მობილური ექსტენციის ფარგლებში, სამეგრელოს რეგიონში ფერმერები კონსულტაციებს იღებენ

გარემოს დაცვისა და სოფლის მეურნეობის სამინისტროს და სოფლის მეურნეობის სამეცნიერო-კვლევითი ცენტრის ერთობლივი პროექტის “მობილური ექსტენცია“ ფარგლებში, მარტვილის, ჩხოროწყუს და წალენჯიხის სოფლებში ფერმერებს სპეციალისტებმა კონსულტაციები გაუწიეს.

როგორც “ინტერპრესნიუსს“ გარემოს დაცვის და სოფლის მეურნეობის სამინისტროდან აცნობეს, ფერმერებს ინფორმაცია მიეწოდათ მცენარეთა დაცვის, კენკროვანი კულტურების მოვლა-მოყვანის და ვეტერინარიის მიმართულებებით.

ამასთან, სამეცნიერო-კვლევითი ცენტრის სპეციალისტებმა და სოფლის მეურნეობის საინფორმაციო-საკონსულტაციო სამსახურის წარმომადგენლებმა ადგილობრივების მეურნეობები დაათვალიერეს და დაინტერესებულ პირებს დარგის განვითარების მხარდამჭერი სახელმწიფოს პროგრამები გააცნეს.

ცნობისთვის, პროექტი „მობილური ექსტენცია“ 2016 წლიდან აქტიურად მიმდინარეობს და საქართველოს ყველა რეგიონს მოიცავს.

„პროექტის მიზანი ადგილობრივი ფერმერების მხარდაჭერა, მათთვის სახელმწიფო პროგრამების გაცნობა და კონსულტაციების გაწევაა“, - აცხადებენ სამინისტროში.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა