Forbes - "პლეხანოვი" მსოფლიოს საუკეთესო 12 უბანს შორის მოხვდა

"პლეხანოვი" მსოფლიოს საუკეთესო 12 უბანს შორის მოხვდა, - ამის შესახებ ჟურნალი Forbes-ის მიერ საქართველოს შესახებ გამოქვეყნებულ სტატიაშია ნათქვამი. ტურიზმის ეროვნული ადმინისტრაციის ინფორმაციით, გავლენიანი გამოცემის ჟურნალისტი ანა ებელი საქართველოში მოგზაურობის შთაბეჭდილებას მკითხველს უზიარებს.

სტატიის ავტორის თქმით, საქართველო სულ უფრო პოპულარული ტურისტული მიმართულება ხდება. ჟურნალისტი "პლეხანოვის" ისტორიულ შენობებს, ძველებურ სახლებსა და სადარბაზოებს აღწერს.

გამოცემაში გამოქვეყნებული მეორე სტატია ქართულ კერძებს და ღვინოს ეძღვნება. "როდესაც მეგობრებს ვუთხარი, რომ საქართველოში მოგზაურობას ვაპირებდი, სხვადასხვა აზრი მოვისმინე. ზოგიერთს ეგონა ჯორჯიის შტატს ვგულისხმობდი, ზოგიერთებმა მკითხეს, თუ იყო უსაფრთხო საქართველოში მოგზაურობა, ჩემგან დადებითი პასუხი მიიღეს. ჩემმა რამდენიმე მეგობარმა საქართველოში იმოგზაურა. მეგობრებმა თავიანთი მოგონებები გამიზიარეს და რჩევებიც მომცეს. ევროპისა და აზიის გზაგასაყარზე მდებარე ყოფილი საბჭოთა რესპუბლიკა გამორჩეული კერძებითაა ცნობილი. ქართული კერძები საუკეთესო და მრავალფეროვანია", - წერს ჟურნალისტი.

სტატიის ავტორი დეტალურად აღწერს ქართულ კერძებს, თბილისის, სიღნაღის კვების ობიექტებს. ჟურნალისტი განსაკუთრებულ ყურადღებას უთმობს ქართულ ღვინოს.

"საქართველო ღვინისა და სიყვარულის ქვეყანაა, ეს უკანასკნელი ბუნებრივ სტუმართმასპინძლობაში გამოიხატება. საქართველო მიჩნეულია ღვინის სამშობლოდ. ამ ქვეყანაში 500-ზე მეტი ღვინის ჯიშია. მეღვინეები ღვინოს ტრადიციულ თიხის ჭურჭელში ამზადებენ. საქართველო ნატურალური, ორგანული და უგემრიელესი ღვინით გამოირჩევა", - წერს ანა ებელი.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს