თელავში ავარიის შედეგად ახალგაზრდა მამაკაცი მძიმედ დაშავდა. შემთხვევა რუსთაველის ქუჩაზე მოხდა. ახალგაზრდას "გოლფის" მარკის ავტომანქანა დაეჯახა. თვითმხილველების ინფორმაციით, შემთხვევა იმ დროს მოხდა, როდესაც მამაკაცი გზაზე ფეხით გადასვლას ცდილობდა.
დაშავებული თელავის რეფერალურ საავადმყოფოშია მოთავსებული. ექიმის თქმით, პაციენტის მდგომარეობა მძიმეა და მას ამ წუთებში გამოკვლევა უტარდება. ადგილზე საპატრულო პოლიციაა მობილიზებული.
მომხდარზე გამოძიება 276-ე მუხლის პირველი ნაწილით დაიწყო.