ირაკლი ნოზაძე - იყო ჩემს ბავშვობაში მომენტები, როცა არალეგალურ ნარკოტიკულ ნივთიერებასთან შეხება მქონდა

იყო ჩემს ბავშვობაში მომენტები, როცა მქონდა შეხება არალეგალურ ნარკოტიკულ ნივთიერებასთან, თუმცა ეს მაშინ დასრულდა და მას შემდეგ ამასთან შეხება არ მქონია, - ამის შესახებ„ქუჩის ბიჭების“ სოლისტმა, ირაკლი ნოზაძემ მისი დაჭრის კომენტირებისას „პალიტრანიუსის“ გადაცემა „360 გრადუსის“ ეთერში განაცხადა.

ნოზაძე გამოეხმაურა ინფორმაციას იმის შესახებ, რომ თანხა, რომლის გამოც ის დაჭრეს, ნარკოტიკული ნივთიერების შეძენას უკავშირდებოდა.

“იყო ჩემს ბავშვობაში მომენტები, როცა მქონდა შეხება არალეგალურ ნარკოტიკულ ნივთიერებასთან, მაგრამ ეს არ ყოფილა ზღვარს გადასული, არაფერი მსგავსი. ეს იყო ბავშვობის თავში ავარდნის წლები, რომელიც ძალიან მალე დასრულდა, თან შედეგიანად. მას შემდეგ მე არაფერი საერთო მქონია ამასთან და არც ვაპირებ რაიმე საერთო მქონდეს. პირიქით, მეც და ჩემი ჯგუფიც მხარს ვუჭერთ ჯანსაღი ცხოვრების წესს. პირადად ჩემი განწყობა არის, რომ გამსაღებლები მთელი სიმკაცრით უნდა დაისაჯონ. ძალიან გთხოვთ ყველას, გადაუმოწმებელ ინფორმაციას ნუ გავავრცელებთ, რადგან ძალიან ადვილად შეიძლება ადამიანს ნაჩუქარი სიცოცხლე მოუსპო“, - განაცხადა ნოზაძემ.

შეგახსენებთ, რომ "ქუჩის ბიჭების" წევრი ირაკლი ნოზაძე 25 ივნისს წერეთლის გამზირზე დაჭრეს. ბრალდებულები მოსკოვის გამზირზე მდებარე ერთ-ერთ საერთო საცხოვრებელში დააკავეს. მომხდარზე გამოძიება სსკ-ს 19-108-ე მუხლით და 376-ე მუხლით მიმდინარეობს.

ირაკლი ნოზაძის განზრახ მკვლელობის მცდელობაში ბრალდებულ თამთა ჯანჯღავას და დანაშაულის შეუტყობინებლობაში ბრალდებულ ნათია თოფურიას აღკვეთის ღონისძიების სახით პატიმრობა შეეფარდათ.

ლევან დოლიძე - სირიაში მოვლენების განვითარება დამოკიდებულია იქნება იმაზე, რამდენად კოორდინირებულად იმოქმედებს ნატო, აშშ და თურქეთი, თუმცა, საქართველოში სირიიდან მიგრანტების დიდ ნაკადს არ ველი
ქართული პრესის მიმოხილვა 28.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
სასიამოვნო სიურპრიზი „ტოიოტასგან“ საავტომობილო რბოლის მოყვარულთათვის
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“