სარა სანდერსი - რუსეთისთვის დაწესებული სანქციები ძალაში დარჩება, ვიდრე რუსეთი ყირიმს უკრაინას არ დაუბრუნებს

აშშ-ს ადმინისტრაცია რუსეთისთვის დაწესებულ სანქციებს არ გააუქმებს, ვიდრე ყირიმი უკრაინას არ დაუბრუნდება. ამის შესახებ თეთრი სახლის პრესმდივანმა სარა სანდერსმა ბრიფინგზე განაცხადა.

„ყირიმთან დაკავშირებით რუსეთისთვის დაწესებული სანქციები ძალაში დარჩება, ვიდრე რუსეთი ყირიმს უკრაინას არ დაუბრუნებს“, - განაცხადა სარა სანდერსმა.

მისივე თქმით, „რუსეთი და აშშ შეთანხმდნენ ამ საკითხზე ერთმანეთს არ დაეთანხმონ“.

აღსანიშნავია, რომ აშშ-ს პრეზიდენტმა დონალდ ტრამპმა განაცხადა, რომ 16 ივლისს ვლადიმერ პუტინთან შეხვედრის დროს ყირიმის ნახევარკუნძულის საკითხს წამოწევს. თავის მხრივ, რუსეთის პრეზიდენტის პრესმდივანმა დიმიტრი პესკოვმა აღნიშნა, რომ მოსკოვისთვის ყირიმის საკითხი არ შეიძლება საერთაშორისო დღის წესრიგში იყოს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა