გერმანიის შს მინისტრმა ჰორსტ ზეეჰოფერმა და გერმანიის კაცლერმა ანგელა მერკელმა საიმიგრაციო საკითხზე შეთანხმებას მიაღწიეს. ამის შესახებ გერმანიის შს მინისტრმა ჰორსტ ზეეჰოფერმა განაცხადა.
„ინტენსიური მოლაპარაკებების შედეგად „ქრისტიანულ-დემოკრატიულმა კავშირმა“ და „ქრისტიანულ-სოციალურ კავშირმა“ შეთანხმებას მიაღწიეს მომავალში თუ როგორ აიცილონ თავიდან არალეგალური მიგრაცია გერმანიისა და ავსტრიის საზღვარზე“, - განაცხადა გერმანიის შს მინისტრმა.
მან ასევე აღნიშნა, რომ არ აპირებს შს მინისტრის თანამდებობის დატოვებას.
თავის მხრივ, ანგელა მერკელმა განაცხადა, რომ მხარეებმა კარგ კომპრომისს მიაღწიეს.
„გერმანიაში შეიქმნება სატრანზიტო ცენტრები დევნილებისთვის. შედეგად, ევროკავშირში პარტნიორობის სულისკვთება შენარჩუნდა და ამავდროულად გადამწყვეტი ნაბიჯი გადაიდგა მეორადი მიგრაციის საკითხის დასარეგულირებლად“, - განაცხადა გერმანიის კანცლერმა.
აღსანიშნავია, რომ თუ მხარეეები შეთანხმებას ვერ მიაღწევდნენ, გერმანიის შს მინისტრი ჰორსტ ზეეჰოფერი გადადგომას გეგმავდა.