ზაზა სარალიძე შესაძლოა დღეს შს მინისტრს გიორგი გახარიას და სამინისტროს წარმომადგენლებს შეხვდეს. ამის შესახებ ზაზა სარალიძემ ჟურნალისტებს გენერალური ინსპექციის ხელმძღვანელთან შეხვედრის შემდეგ განუცხადა.
ზაზა სარალიძის თქმით, გენერალური ინსპექციის უფროსს ის მოზარდების მკვლელობის საქმის მტკიცებულებებზე ესაუბრა.
"თავის სურვილით მოვიდა ეს ადამიანი ჩემთან შესახვედრად, ვისაუბრეთ იმ მტკიცებულებებზე, რა მტკიცებულებებიც არსებობს საქმის მასალებში. ვისაუბრეთ იმ დეტალებზე და მტკიცებულებებზე, რაც პროკურატურისა და შსს-ს მიერ გამოძიებულ საქმეშია უკვე. ამ მტკიცებულებებს ახლა გადავხედავთ ოფიციალურად და მიიღებენ გადაწყვეტილებას არის თუ არა მიხეილ კალანდია დასაკავებელი. სამინისტროში შევალ და გავაგრძელებთ კონსულტაციებს. მარტო შევხვდები, თუმცა შესაძლოა, ადვოკატსაც დავურეკო. შეხვედრაზე, ალბათ, წესით მინისტრიც უნდა იყოს. ყველას შევხვდები და ერთად გავივლით იმ ჩვენებებს, რაც მიცემული აქვთ კალანდიას წინააღმდეგ და თვითონ კალანდიას ჩვენებასაც გავეცნობით. ვინ არის შეხვედრის ინიციატორი ამ დეტალებზე ამ ადამიანთან არ მისაუბრია. როგორც კი მობრძანდება მინისტრი შევალ", - განაცხადა სარალიძემ.