პარლამენტის რამდენიმე კომიტეტმა მთავრობის სტრუქტურულ რეორგანიზაციას მხარი დაუჭირა. დარგობრივი ეკონომიკისა და ეკონომიკური პოლიტიკის, ადამიანის უფლებათა დაცვისა და სამოქალაქო ინტეგრაციის, რეგიონული პოლიტიკისა და თვითმმართველობისა და ჯანმრთელობის დაცვისა და სოციალურ საკითხთა კომიტეტების გაერთიანებულ სხდომაზე არსებული სახით სტრუქტურულ რეორგანიზაციასთან დაკავშირებით

წინააღმდეგობა დააფიქსირა საპარლამენტო უმცირესობის წევრმა ზურაბ ჭიაბერაშვილმა. მან კენჭისყრაში მონაწილეობა არ მიიღო.

სტრუქტურულ რეორგანიზაციასთან დაკავშირებულ კანონპროექტს მხარი დაუჭირეს ასევე განათლების, მეცნიერებისა და კულტურის, სპორტისა და ახალგაზრდულ საქმეთა კომიტეტების გაერთიანებული სხდომაზეც, თუმცა განათლების კომიტეტის თავმჯდომარემ მარიამ ჯაშმა კანონპროექტის მხარდაჭერისგან თავი შეიკავა.

ცნობისთვის, სტრუქტურული რეორგანიზაციის შედეგად მთავრობაში 10 სამინისტრო და სახელმწიფო მინისტრის ერთი აპარატი რჩება.