შსს-ს გენინსპექციის უფროსი სამინისტროს ეზოში ზაზა სარალიძესთან მეორედ ჩავიდა

შინაგან საქმეთა სამინისტროს გენერალური ინსპექციის ხელმძღვანელი ზაზა სარალიძეს მეორედ ხვდება. სარალიძისა და გენერალური ინსპექციის უფროსის შეხვედრა კვლავ შს სამინისტროს ეზოში მიმდინარეობს.

როგორც ცნობილია, გენერალური ინსპექციის ხელმძღვანელი ზაზა სარალიძესთან სამინისტროს ეზოში დაახლოებით ერთი საათის წინაც ჩავიდა. ამ აუდიენციის მერე სარალიძემ ჟურნალისტებს განუცხადა, რომ შეხვედრაზე ხორავას ქუჩაზე, მოზარდებს შორის მომხდარი მკვლელობის მტკიცებულებებზე ისაუბრეს.