ზაზა სარალიძე შს მინისტრს 14.00 საათზე შეხვდება
ზაზა სარალიძე შინაგან საქმეთა მინისტრს გიორგი გახარიას 14:00 საათზე შეხვდება. ამის შესახებ ჟურნალისტებს მოკლული მოზარდის მამამ, ზაზა სარალიძემ განუცხადა.
შინაგან საქმეთა სამინისტროში დაგეგმილ შეხვედრას სახალხო დამცველი და ზაზა სარალიძის ადვოკატი დაესწრება.
ამ შეხვედრის დეტალებზე, ზაზა სარალიძემ გენერალური ინსპექციის უფროსთან დღეს, შსს-ს ეზოში გამართულ შეხვედრაზე ისაუბრა.
ზაზა სარალიძის თქმით, თუ ხორავას ქუჩაზე მომხდარი მკვლელობის საქმეზე ჭეშმარიტება არ დადგინდა, გამორიცხული არ არის, მასშტაბური აქციები გაიმართოს.
"დავგეგმეთ შეხვედრა. შეხვედრაზე სავარაუდოდ, შს მინისტრი და მისი მოადგილეეებიც იქნებიან. მიხეილ კალანდიას წინააღმდეგ მიცემულ ჩვენებასთან ერთად გავეცნობით კალანდიას ჩვენებასაც. კალანდიას დაკავების საკითხი აქამდეც უნდა დამდგარიყო, თუმცა, როგორც ჩანს, რაღაცაზე თავს იკავებენ. თუ ჩემი მოთხოვნა არ დაკმაყოფილდა, წინასწარ არაფერს ვიტყვი, თუმცა შესაძლოა, გაგრძელდეს არამარტო ერთკაციანი, არამედ მრავალკაციანი აქციაც. იმედია, მიიღებენ სწორ გადაწყვეტილებას", - განაცხადა სარალიძემ.
