5-7 ივლისს საქართველოში ტემპერატურა შედარებით დაიკლებს

აღმოსავლეთ საქართველოში 40 გრადუსამდე ჰაერის ტემპერატურა ხვალაც შენარჩუნდება. როგორც „ინტერპრესნიუსს“ გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ განუცხადა, აღმოსავლეთ საქართველოში დღეს და ხვალ დღისით ჰაერის მაქსიმალური ტემპერატურა 35–40 გრადუსი იქნება. დასავლეთ საქართველოში კი, ტემპერატურა შედარებით დაიკლებს და 30–32 გრადუსია მოსალოდნელი, მთიან რაიონებში – 31–33 გრადუსი იქნება. ამასთან, დასავლეთ საქართველოში ღამისა და საღამოს საათებში შესაძლებელია იყოს ხანმოკლე წვიმაც.

5–7 ივლისს საქართველოს უმეტეს რაიონებში ღამით და დღის მეორე ნახევარში შესაძლებელია ხანმოკლე წვიმა ელჭექით, რომლის დროსაც შესაძლებელია დასავლეთის მიმართულების ქარი გაძლიერდეს; 6–7 ივლისს კი, ზოგიერთ რაიონში მოსალოდნელია სეტყვაც.

აღმოსავლეთ საქართველოში ჰაერის მაქსიმალური ტემპერატურა დღისით 33–35 გრადუსია მოსალოდნელი; დასავლეთ საქართველოს დაბლობ რაიონებში კი, ჰაერის მაქსიმალური ტემპერატურა 22–27 გრადუსის ფარგლებში იქნება.

თბილისში 5 ივლისს 37 გრადუსი იქნება; 6 ივლისს – 36 გრადუსი, 7 ივლისს – 35 გრადუსი. 6–7 ივლისს საღამოსა და ღამის საათებში მოსალოდნელია ხანმოკლე წვიმა ელჭექით. დროგამოშვებით გაძლიერდება დასავლეთის მიმართულების ქარი.

8–9 ივლისს კი საქართველოში გამოიდარებს და ჰაერის ტემპერატურა მოიმატებს.

იხილეთ ვიდეო: ტემპერატურა დაიკლებს, მოსალოდნელია წვიმა ელჭექით და სეტყვა, იქროლებს ქარიც - გაეცანით უახლოესი დღეების ამინდის პროგნოზს

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს