„ბიბლუსმა“ ცოტნე დადიანის 137-ში, 57-ე ფილიალი საზეიმოდ გახსნა

„ბიბლუსმა“ ცოტნე დადიანის 137–ში, 57–ე ფილიალი საზეიმოდ გახსნა. როგორც „ინტერპრესნიუსს“ „ბიბლუსიდან“ აცნობეს, საქართველოს უდიდესმა წიგნის მაღაზიათა ქსელმა 57–ე ფილიალის გახსნა წიგნებზე გრანდიოზული ფასდაკლებით, სასიამოვნო მუსიკით და ტკბილეულით აღნიშნა.

„ჩვენი კომპანიის ისტორიაში დღეს კიდევ ერთი მნიშვნელოვანი ფაქტი მოხდა – თბილისში, ცოტნე დადიანის 137–ში, ახალი, 57–ე ფილიალი გავხსენით. მაქსიმალურად შევეცადეთ, რომ ეს დღე ჩვენი სტუმრებისთვისაც განსაკუთრებული ყოფილიყო. პირველმა 57 მომხმარებელმა –50%–იანი ფასდაკლებით ისარგებლა, დანარჩენებმა კი მთელი დღის განმავლობაში წიგნები –20%–იანი ფასდაკლებით შეიძინეს. სპეციალურად მათი განწყობისთვის, ფილიალი ფერადი ბუშტებით გავაფორმეთ. მომხმარებლებს წიგნის კაფე „პიატოს“ უგემრიელესი მაფინებითაც გავუმასპინძლდით. ფილიალების გახსნას სამომავლოდაც ვგეგმავთ. როგორც დედაქალაქში, ისე რეგიონებში, რათა წიგნი კიდევ უფრო მეტად ხელმისაწვდომი გავხადოთ ჩვენი საზოგადოებისთვის“, – განაცხადა „ბიბლუსის“ მარკეტინგის დეპარტამენტის წარმომადგენელმა.

„ბიბლუსის“ ინფორმაციით, 2 ივლისს, ახალი ფილიალის გახსნასთან დაკავშირებით, მაღაზიაში სხვადასხვა აქტივობებიც დაიგეგმა. სტუმრებს სპეციალურად მოწვეული ანიმატორები შეეგებნენ. დღის მეორე ნახევარში კი ბლიცგათამაშებაც მოეწყო. საჩუქრების სახით მომხმარებლებს გამომცემლობა Palitra L–ის მიერ დაბეჭდილი ბესტსელერები, ონლაინმაღაზია allwine.ge-ის ღვინოები, წიგნის კაფე „პიატოს“ ვაუჩერები, სასკოლო ნივთები და სხვა საინტერესო სიურპრიზები გადაეცათ.

„მოხარული ვარ „ბიბლუსის“ ახალი ფილიალის გახსნით. პირველ 57 მომხმარებელს შორის აღმოვჩნდი, რამაც ძალიან გამახარა. წიგნები დღეს 50%–იანი ფასდაკლებით შევიძინე. ჩემმა მეგობარმა კი თქვენგან საჩუქრად, ულამაზესი სკოლის ჩანთა მიიღო, რომელიც აუცილებლად გამოადგება მის პატარას. ბევრი დადებითი ემოცია მივიღეთ თქვენგან. მინდა, რომ კიდევ უფრო გაფართოვდეთ. კიდევ უფრო მეტი მკითხველი გყავდეთ და კიდევ უფრო მეტ ადამიანს შეაყვაროთ კითხვა. მადლობა თქვენ“, – განაცხადა „ბიბლუსის“ მომხმარებელმა თეონა ჯაშმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს