შსს-ს დეტექტივების სამმართველოს უფროსი, იოსებ სიგუა პარლამენტის საგამოძიებო კომისიის დღევანდელ სხდომას არ ესწრება

შსს-ს დეტექტივების სამმართველოს უფროსი, იოსებ სიგუა პარლამენტის საგამოძიებო კომისიის დღევანდელ სხდომას არ ესწრება.

კომისიის სხდომა დღეს შინაგან საქმეთა სამინისტროს წარმომადგენლების - გამომძიებელ ირაკლი ფიფიას, დეტექტივების სამმართველოს უფროსის იოსებ სიგუას და თბილისის პოლიციის დეპარტამენტის უფროსის შალვა ბედოიძის მოსმენით უნდა განახლებულიყო, თუმცა პარლამენტში მხოლოდ ირაკლი ფიფია და შალვა ბედოიძე გამოცხადნენ. მათ არ უპასუხეს ჟურნალისტების კითხვებს იმის თაობაზე, თუ რატომ არ ესწრება სხდომას იოსებ სიგუა.

შინაგან საქმეთა სამინისტროში კი აცხადებენ, რომ იოსებ სიგუა სხდომას ჯანმრთელობის მდგომარეობის გაუარესების გამო ვერ ესწრება. ასევე, ჯერჯერობით არ აქვთ ინფორმაცია, როდის შეძლებს სიგუა კომისიაზე გამოცხადებას.