სერგი კაპანაძე - მოზარდების მკვლელობის საქმის გამომძიებლის, ირაკლი ფიფიას და პროკურორ ზვიად ფხაკაძის ვერსიებს შორის ფუნდამენტური განსხვავებაა

ხორავას ქუჩაზე მომხდარ მკვლელობასთან დაკავშირებით საქმის უშუალო გამომძიებლის ირაკლი ფიფიას და საქმის პროკურორის ზვიად ფხაკაძის ვერსიებს შორის ფუნდამენტური განსხვავებაა, - ამის შესახებ პარლამენტის საგამოძიებო კომისიის სხდომაზე, კომისიის თავმჯდომარემ სერგი კაპანაძემ მას შემდეგ განაცხადა, რაც ხორავას #4-ში გამომძიებელ ფიფიას ვერსია მოისმინა.

კერძოდ, როგორც ფიფიამ მოწმეთა ჩვენებებზე დაყრდნობით განაცხადა, მაშინ, როცა დავით სარალიძემ გ.ჯ. ფარდულში შეაგდო, მას ფარდულში მყისიერად მ.კ და ასევე, დ.ღ. შეჰყვნენ. კომისიის სხდომაზე საქმის გამომძიებელ ფიფიას პროკურორ ზვიად ფხაკაძის ახსნა-განმარტება მოასმენინეს, რომელიც ამბობს, რომ როდესაც ფარდულში დავით სარალიძეს ჭრილობებს აყენებდნენ, მ.კ. ამას ფარდულიდან 8-9 მეტრის მოშორებით ხედავს და ფარდულისკენ მიემართება.

როგორც ირაკლი ფიფიამ ზვიად ფხაკაძის ჩვენებასთან დაკავშირებით განაცხადა, პროკურორი სავარაუდოდ, სასამართლო პროცესზე მიცემულ ჩვენებებს ეყრდნობოდა, რომელსაც თავად არ იცნობს. თბილისის პოლიციის დეპარტამენტის უფროსმა შალვა ბედოიძემ კი ეჭვი გამოთქვა, რომ პროკურორს შესაძლოა საუბრის დროს ინიციალები შეეშალა.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა