აზერბაიჯანის დედაქალაქში ყველა მეტროს სადგური დაიხურა, მიმდინარეობს ხალხის ევაკუაცია. ერთ-ერთ მეტროს სადგურთან სასწრაფო დახმარების ჯგუფის გამოძახება გახდა საჭირო.

„რია ნოვოსტის“ ინფორმაციით, მომხდარის მიზეზი ქვეყანაში შექმნილი ელექტროკრიზისი გახდა. ცნობილია, რომ წუხელ, აზერბაიჯანის მასშტაბით ელექტროენერგია გაითიშა, რაც ქალაქ მინგიაჩევირში, თბოელექტროსადგურზე აფეთქებას უკავშირდება, რამაც ხანძარი გამოიწვია.

მომხდარის შედეგად არავინ დაშავებულა. „აზერენერჯის“ ხელმძღვანელობის განცხადებით, აფეთქება ძლიერმა სიცხემ გამოიწვია. დღეს ქვეყნის პრეზიდენტმა ხელი მოაწერა ბრძანებას სახელმწიფო კომისიის შექმნის შესახებ, რომელიც ინციდენტში დამნაშავეების გამოვლენას ეხება.