კახა კალაძემ რეზო გაბრიაძეს ქართული კულტურის განვითარებასა და პოპულარიზაციაში შეტანილი წვლილისთვის სიგელი გადასცა

თბილისის მერმა, კახა კალაძემ ხელოვან რეზო გაბრიაძეს ქართული კულტურის განვითარებასა და პოპულარიზაციაში შეტანილი წვლილისთვის სიგელი გადასცა.

კალაძის თქმით, ის განსაკუთრებული ადამიანია და დაფასება და მოფრთხილება სჭირდება.

"საბედნიეროდ, დედაქალაქს ჰყავს და ყოველთვის ჰყავდა განსაკუთრებული ადამიანები, რომელთა საქმიანობა და შემოქმედება ქალაქის ყოველდღიურობას განსაკუთრებულ ხიბლს სძენდა და სძენს დღესაც. ერთ-ერთი ასეთი გამორჩეული ხელოვანი გახლავთ ბატონი რეზო გაბრიაძე. მას სულ რამდენიმე დღის წინ, 29 ივნისს ჰქონდა დაბადების დღე, 82 წელი შეუსრულდა. მე მინდა კიდევ ერთხელ მივულოცო მას, ვუსურვო ჯანმრთელობა, დღეგრძელობა და გადავცე სიგელი ქართული კულტურის განვითარებასა და პოპულარიზაციაში შეტანილი უდიდესი წვლილისთვის. ძალიან დიდი სიყვარულით მინდა კიდევ ერთხელ მივულოცო ბატონ რეზოს იუბილე. ჩვენ ძალიან ვაფასებთ მის საქმიანობას, შემოქმედებას და მგონია, რომ ასეთ ადამიანებს სჭირდება გაფრთხილება", - განაცხადა კალაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 23.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?