არსებული ინფორმაციით, აჭარის მთავრობის თავმჯდომარე ზურაბ პატარაძე თანამდებობას ტოვებს

აჭარის მთავრობის თავმჯდომარემ ზურაბ პატარაძემ, შესაძლოა, თანამდებობა დატოვოს. აჭარის საზოგადოებრივი მაუწყებლის ინფორმაციით, სწორედ ეს იქნება პატარაძის ბრიფინგის თემა, რომელიც 14:00 საათზე ჩანიშნა. არსებული ინფორმაციით, პატარაძის შემცვლელად საქართველოს ენერგეტიკის განვითარების ფონდის დირექტორი თორნიკე რიჟვაძე, უმაღლესი საბჭოს დეპუტატი ცოტნე ანანიძე, აჭარის განათლების მინისტრის მოადგილე ბადრი ნაკაშიძე და აჭარის ჯანდაცვის მინისტრი ზაალ მიქელაძე განიხილებიან. პირველ ეტაპზე, შესაძლოა, მთავრობის თავმჯდომარის მოვალეობა ჯანდაცვის მინისტრმა ზაალ მიქელაძემ შეასრულოს.

კანონმდებლობით, პატარაძის განცხადების შემდეგ, აჭარის მთავრობას უფლებამოსილება უწყდება.