თამარ მეფის გამზირზე ჰაერში აზოტის დიოქსიდი ნორმას 1.3-ჯერ აჭარბებს
თამარ მეფის გამზირზე ჰაერში აზოტის დიოქსიდი ნორმას 1.3-ჯერ აჭარბებს. ამის შესახებ გარემოს ეროვნულ სააგენტოში აცხადებენ.
მათივე ინფორმაციით, აღნიშნული მოძველებული და ტექნიკურად გაუმართავი ავტოტრანსპორტის შედეგია. სხვა ყველა კომპონენტი ნორმაშია.
გარემოს ეროვნული სააგენტოს სპეციალისტებმა თამარ მეფის გამზირზე ატმოსფერული ჰაერის ხარისხის დაბინძურება მობილური ავტომატური სადგურის საშუალებით, ცოტა ხნის წინ განსაზღვრეს.
ჰაერის ხარისხის მონიტორინგის მობილური სადგური მომავალი კვირიდან თბილისის სხვადასხვა უბნებსა და რეგიონებში დაიდგმება.
