ანატოლი ბიბილოვმა და რუსეთის უშიშროების საბჭოს მდივნის მოადგილემ „სამხრეთ ოსეთის“ ტერიტორიის გავლით ტრანზიტის შესაძლო გახსნის საკითხები განიხილეს

ოკუპირებული სამხრეთ ოსეთის დე ფაქტო პრეზიდენტმა ანატოლი ბიბილოვმა და რუსეთის უშიშროების საბჭოს მდივნის მოადგილემ რაშიდ ნურგალიევმა „სამხრეთ ოსეთის“ ტერიტორიის გავლით ტრანზიტის შესაძლო გახსნისა და „სასაზღვრო ტერიტორიებზე“ უსაფრთხოების საკითხები განიხილეს.

როგორც დე ფაქტო პრეზიდენტის პრესსამსახური იუწყება, რაშიდ ნურგალიევმა და ანატოლი ბიბილოვმა ცხინვალის რაიონში ის ადგილი დაათვალიერეს, სადაც სატრანზიტო გზის გახსნის შემთხვევაში, შესაძლოა, ტრანსპორტისთვის შემოვლითი გზა აშენდეს. მათ ასევე დაათვალიერეს საინვესტიციო პროგრამის ფარგლებში ახალგორის რაიონში აშენებული ობიექტები.

ანატოლი ბიბილოვმა და რაშიდ ნურგალიევმა ასევე განიხილეს უსაფრთხოების საკითხები „სამხრეთ ოსთის სასაზღვრო ტერიტორიებზე“.