აჭარის უმაღლეს საბჭოში პარტია "ევროპული საქართველოს" წევრის პეტრე ზამბახიძის განცხადებით, "ქართულმა ოცნებამ" აჭარაში სტაბილური მმართველობა ვერ შეძლო. როგორც ზამბახიძემ აღნიშნა, მმართველი გუნდის მაღალი თანამდებობის პირებს მოსახლეობის პრობლემები არ აწუხებთ.
"ქართულმა ოცნებამ" ჩვენს რეგიონში სტაბილური მმართველობა ვერ უზრუნველყო, რაც მოსახლეობაზე აისახა. ეს არის იმის შედეგი, რომ მაღალი თანამდებობის პირები პირდაპირ ჩამოკიდებული არიან ივანიშვილზე. ეს არის დამახასიათებელი იმ ტიპის მმართველობისთვის, რომელიც სამწუხაროდ, დღეს საქართველოში გვაქვს",- განაცხადა პეტრე ზამბახიძემ.
აჭარის მთავრობის თავმჯდომარემ ზურაბ პატარაძემ, შესაძლოა, თანამდებობა დატოვოს. აჭარის საზოგადოებრივი მაუწყებლის ინფორმაციით, სწორედ ეს იქნება პატარაძის ბრიფინგის თემა, რომელიც 14:00 საათზე დანიშნა.