მაია ცქიტიშვილი - ინფრასტრუქტურული პროექტების ბიუჯეტის დასაგეგმად რეგიონების წარმომადგენლებთან დიალოგი დავიწყეთ

ინფრასტრუქტურული პროექტების ბიუჯეტის დასაგეგმად რეგიონების წარმომადგენლებთან დიალოგი დავიწყეთ, - ამის შესახებ რეგიონული განვითარებისა და ინფრასტრუქტურის მინისტრმა მაია ცქიტიშვილმა განაცხადა.

როგორც „ინტერპრესნიუსს“ სამინისტროდან აცნობეს, კახეთში, საქართველოს რეგიონული განვითარებისა და ინფრასტრუქტურის სამინისტროსა და ადგილობრივი ხელისუფლების წარმომადგენლებს შორის შეხვედრა გაიმართა, რომელზეც მიმდინარე და დაგეგმილ ინფრასტრუქტურულ პროექტებზე, მუნიციპალიტეტის საჭიროებებზე, ბიუჯეტის დაგეგმვასა და არსებული პრობლემების გადაჭრაზე ისაუბრეს.

„დაწყებული გვაქვს აქტიური დიალოგი მუნიციპალიტეტებთან, სამინისტრო დააფინანსებს ამა თუ იმ ინფრასტრუქტურულ პროექტს სწორედ იმ მოთხოვნების გათვალისწინებით, რომელიც კონკრეტული რეგიონისთვის და მისი მოსახლეობისთვის პრიორიტეტულია და გამომდინარეობს მათი საჭიროებებიდან. ასევე, ვიწყებთ შეხვედრებს ადგილობრივ თვითმმართველობებთან ბიუჯეტის დაგეგმვასთან დაკავშირებით. პირველი შეხვედრა გვქონდა კახეთში. ადგილობრივ ხელისუფლებასთან ერთად განვიხილეთ ყველა ის პროექტი და შესაძლებლობები, რომელიც რეგიონს გააჩნია,“ - განაცხადა მაია ცქიტიშვილმა.

შეხვედრაზე რწმუნებულ-გუბერნატორმა, ირაკლი ქადაგიშვილმა მინისტრს კახეთის რეგიონის ეკონომიკური განვითარების კონცეფცია წარუდგინა. პრეზენტაციის დროს, აქცენტები გაკეთდა სასმელი წყლის პრობლემის ეტაპობრივად მოგვარებაზე. ასევე, ღვინის მუზეუმის, ტურისტული დანიშნულების ადგილების, ტურისტულ ობიექტებამდე მისასვლელი გზებისა და მუნიციპალური ტრანსპორტის განვითარებაზე.

კახეთი პირველი რეგიონია, სადაც ცენტრალური ხელისუფლების, სამხარეო ადმინისტრაციისა და ადგილობრივი ხელისუფლების ჩართულობით იმსჯელეს და დაიგეგმა სამომავლო განვითარების პერსპექტივები და პროექტები.

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 19.08.2019
გავლენის ოპერაციები ანუ „მკვლელობათა ჯაჭვი“