საკრებულოს ისნის მაჟორიტარმა დეპუტატმა ნავთლუღში რამდენიმე ობიექტი დაათვალიერა

თბილისის საკრებულოს ისნის მაჟორიტარმა დეპუტატმა ნინო ლაცაბიძემ, ისნის რაიონის გამგებელთან და გამგეობის თანამშრომლებთან ერთად, ბინათმესაკუთრეთა ამხანაგობის პროგრამის ფარგლებში, ნავთლუღის საუბნო ტერიტორიულ ერთეულში რამდენიმე ობიექტი დაათვალიერა.

ნინო ლაცაბიძის განცხადებით, ბინათმესაკუთრეთა ამხანაგობის დაფინანსების წესში თბილისის მერის კახა კალაძის ინიციატივით განხორციელებულმა ცვლილებებმა უკვე რეალური სიკეთე მოუტანა ისნის რაიონს.

”სწორედ ამ ცვლილებების შედეგად ბიუჯეტის თანხების რაციონალური ხარჯვა მივიღეთ. ახალმა სისტემამ მაქსიმალურად გამორიცხა კორუფციის რისკები, ამხანაგობები დააახლოვა გამგეობებთან და სამუშაოების ხარისხი გააორმაგა“, - განაცხადა ნინო ლაცაბიძემ.

თბილისის საკრებულოს ინფორმაციით, ისნის რაიონის მაჟორიტარი დეპუტატი ქეთევან წამებულის გამზირის N73-ში იმყოფებოდა, სადაც ქანობიანი სახურავი/წყალსაწრეტი მილების შეკეთება მიმდინარეობს. მან ასევე დაათვალიერა ბერი გაბრიელ სალოსის N137-ის მიმდებარედ არსებული ბრტყელი სახურავის რეაბილიტაციის პროცესი; გაეცნო წითელ ხაზებში მოქცეული წყალარინების სისტემის რეაბილიტაციას, რომელიც ბერი გაბრიელ სალოსის გამზირის N100-ის, N104-ისა და N145-ის მიმდებარედ მდებარეობს.

ბინათმესაკუთრეთა ამხანაგობის პროგრამის ფარგლებში ნავთლუღის საუბნო ტერიტორიულ ერთეულში რეაბილიტირებული ობიექტების სამუშაოს ჯამური ღირებულება 92 061 ლარს შეადგენს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)