აშშ-ს სახელმწიფო მდივანმა მაიკ პომპეომ და რუსეთის საგარეო საქმეთა მინისტრმა სერგეი ლავროვმა სატელეფონო საუბარი გამართეს, რომლის დროსაც 16 ივლისს ტრამპის და პუტინის დაგეგმილი შეხვედრა განიხილეს.
„სახელმწიფო მდივანმა მაიკ პომპეომ სატელეფონო საუბარი გამართა რუსეთის საგარეო საქმეთა მინისტრთან. მხარეებმა დონალდ ტრამპის და ვლადიმერ პუტინის შეხვედრის დეტალები, ასევე სირიისა და ჩრდილოეთ კორეის საკითხები განიხილეს“, - ნათქვამია აშშ-ს სახელმწიფო დეპარტამენტის ოფიციალური წარმომადგენელის ჰიზერ ნაუერტის განცხადებაში.
აღსანიშნავია, რომ პირველად ორი წლის განმავლობაში მოსკოვს ვიზიტით ამერიკელი კონგრესმენების ჯგუფი ეწვია. მათი ვიზიტი 30 ივნისს დაიწყო. ვიზიტის ფარგლებში ისინი რუსეთის საგარეო საქმეთა მინისტრს სერგეი ლავროვს შეხვდნენ.
სერგეი ლავროვმა იმედი გამოთქვა, რომ ვიზიტი ხელს შეუწყობს ორი ქვეყნის პარლამენტებს შორის ურთიერთობების აღდგენას.