აჭარის ავტონომიურ რესპუბლიკაში ზურაბ პატარაძე ერთ-ერთი ყველაზე ეფექტური ხელმძღვანელი იყო, - ამის შესახებ აჭარის უმაღლესი საბჭოს "ქართული ოცნების" დეპუტატმა დავით ბაციკაძემ ჟურნალისტებთან საუბრისას განაცხადა. ბაციკაძემ პატარაძის მმართველობის ორი წელი დადებითად შეაფასა და განაცხადა, რომ იგი თანამდებობიდან ვადის ამოწურვამდე არ უნდა წასულიყო.

"ზურაბ პატარაძე ერთ-ერთი ყველაზე ეფექტური ხელმძღვანელი იყო, ვინც კი აჭარის ავტონომიურ რესპუბლიკას ჰყოლია. მაღალმთიან აჭარაში ამდენი ინფრასტრუქტურული პროექტები არასდროს განხორციელებულა, რაც მისი მმართველობის პერიოდში დაიწყო. ჩემი აზრით, პატარაძე აღნიშნულ თანამდებობაზე უნდა დარჩენილიყო და ძალიან ბევრ კარგ საქმეს გააკეთებდა",- განაცხადა დავით ბაციკაძემ.