დავით უთმელიძე – ქალაქს მალე დამტკიცებული გენერალური გეგმა, განაშენიანების სტრატეგია და რეგულაციები ექნება

თბილისის საკრებულოს წევრი დავით უთმელიძე დედაქალაქის გენერალურ გეგმაზე საუბრისას აცხადებს, რომ ცოტა ხანში თბილისელებს მწვანე და მედეგი ქალაქის კონცეფცია ექნებათ.

როგორც „ინტერპრესნიუსს“ თბილისის საკრებულოდან აცნობეს, საკრებულოს წევრის თქმით, მიწათსარგებლობის გენერალურ გეგმაზე მუშაობა დასრულებულია და დოკუმენტი საკრებულოში შემდგომი განხილვისთვის დღეს გადმოიგზავნება.

„ქალაქს მალე დამტკიცებული გენერალური გეგმა, განაშენიანების სტრატეგია და რეგულაციები ექნება. დოკუმენტის საბოლოო დამტკიცებამდე საკრებულოში განხილვები და საჯარო მოსმენები გაიმართება, სადაც სამოქალაქო სექტორს გენგეგმას და მასში შემავალ სტრატეგიებსა და ზონალური დაყოფის პრინციპებს კიდევ ერთხელ გააცნობენ“, - აცხადებს დავით უთმელიძე და აღნიშნავს, რომ ის ხარვეზები, რომლებზეც შენიშვნები თბილისის მერიას ჰქონდა, ერთობლივი მუშაობის შედეგად, აღმოფხვრილია.

„ჩვენ, მწვანე და მედეგი ქალაქის კონცეფცია გვექნება, რომელიც როგორც ჩვენი ქალაქის მცხოვრებლებისთვის ისე დაინტერესებული ბიზნეს-სექტორისთვის სასიკეთო იქნება“, - აცხადებს დავით უთმელიძე.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს