გადაუდებელი სამუშაოების ჩატარების გამო, თბილისის ზოგიერთ უბანს 5 ივლისს ელექტრომომარაგება დროებით შეეზღუდება. როგორც „ინტერპრესნიუსს“ კომპანია „თელასიდან“ აცნობეს, მთაწმინდის რაიონში, 01:00 საათიდან 04:00 საათამდე შეზღუდვა შეეხება: ბოლო აღმართის, ოქროყანის აღმართის, წავკისის, ამაღლების და ავთანდილის ქუჩების მცხოვრებლებს.

საბურთალოს რაიონში 10:00 საათიდან 14:00 საათამდე შეზღუდვა შეეხება დოლიძის ქუჩის (ნაწილობრივ) მცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.