ტექნოპარკში ხვალ საერთაშორისო ვორქშოფი გაიმართება

ტექნოპარკში ხვალ საერთაშორისო ვორქშოფი ,,ევროპული სამეწარმეო და ციფრული კომპეტენციების ჩარჩო საქართველოს განათლების სისტემის განვითარებისთვის“ გაიმართება. როგორც „ინტერპრესნიუსს“ „ტექნოპარკიდან“ აცნობეს, ღონისძიებას გახსნიან ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს თავმჯდომარის მოვალეობის შემსრულებელი ავთანდილ კასრაძე და განათლებისა და მეცნიერების მინისტრის მოადგილე ქეთი ნატრიაშვილი. ღონისძიების მონაწილეები ასევე არიან საქართველოში განათლების პოლიტიკის შემქმნელები, სამეწარმეო სწავლების ადგილობრივი ექსპერტები და ადგილობრივი საგანმანათლებლო ორგანიზაციები.

ვორქშოფის მიზანია სამეწარმეო კომპეტენციების ჩარჩოს შესახებ ცნობადობის ზრდა მთავარ პოლიტიკურ პარტნიორებს, სფეროს ექსპერტებს და სხვა სთეიქჰოლდერებს შორის სამეწარმეო კომპეტენციების ფორმალურ და არაფორმალურ განათლებაში ინტეგრაციისთვის; საქართველოში სამეწარმეო კომპენტენციის განათლების პოლიტიკის დონეზე და სასწავლო პროცესში სისტემური დანერგვის კონცეფციის მონახაზის შემუშავება; სამოქმედო გეგმის გარშემო იდეების გენერირება, თუ როგორ შეიძლება ევროკავშირის სამეწარმეო და ციფრული კომპეტენციების ჩარჩოს პრაქტიკული გამოყენება მასწავლებლების როლის ზრდის, კურიკულუმის მოდერნიზაციის და მეგობრული სასწავლო გარემოს შესაქმნელად.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 26.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა