დავით გაბაიძე - მთავრობის თავმჯდომარესთან დაკავშირებით გუნდში კონსულტაციები მიმდინარეობდა, თუმცა გადადგომა თავად ზურაბ პატარაძის სუბიექტური გადაწყვეტილება იყო

აჭარის ავტონომიური რესპუბლიკის უმაღლესი საბჭოს თავმჯდომარის დავით გაბაიძის განცხადებით, ავტონომიური რესპუბლიკის მთავრობის თავმჯდომარესთან დაკავშირებით, გუნდში კონსულტაციები მიმდინარეობდა, თუმცა გადადგომა თავად ზურაბ პატარაძის სუბიექტური გადაწყვეტილება იყო.

როგორც „ინტერპრესნიუსს“ აჭარის ავტონომიური რესპუბლიკის უმაღლესი საბჭოდან აცნობეს, აჭარის უმაღლესი საბჭოს თავმჯდომარემ დავით გაბაიძემ და საკანონმდებლო ორგანოს უმრავლესობის წევრებმა: უმაღლესი საბჭოს თავმჯდომარის მოადგილემ მერაბ კარანაძემ, ნინო ჩხეტიამ, ირაკლი ჭეიშვილმა, ლადო მგალობლიშვილმა და დავით ბაციკაძემ, რეგიონის მთავრობის თავმჯდომარის გადადგომასთან დაკავშირებით, მედიისათვის განცხადებები გააკეთეს.

აჭარის უმაღლესი საბჭოს თავმჯდომარის შეფასებით, ზურაბ პატარაძე იყო აქტიური, ენერგიული ხელმძღვანელი, გამოირჩეოდა მოსახლეობასთან, განსაკუთრებით მაღალმთიანი აჭარის მცხოვრებლებთან, აქტიური ურთიერთობით და მან შეძლო, დაეწყო რეგიონისთვის მნიშვნელოვანი არაერთი პროექტის განხორციელება. დავით გაბაიძემ იმედი გამოთქვა, რომ ამ ტენდენციას ახალი თავმჯდომარე და მისი გუნდი წარმატებით გააგრძელებენ.

მისივე განცხადებით, ზურაბ პატარაძესთან ერთად, გადამდგარია რეგიონის მთავრობაც. რაც შეეხება ახალ კანდიდატს, მას საქართველოს პრეზიდენტი, ორი კვირის ვადაში, აჭარის უმაღლეს საბჭოში შემავალ სუბიექტებთან კონსულტაციების და შეთანხმების შემდეგ წარადგენს. თავის მხრივ, ახალ კანდიდატსა და მის მიერ შერჩეულ მთავრობის გუნდს აჭარის უმაღლესი საბჭო, კანონმდებლობით განსაზღვრულ ვადაში, ახლად მიღებული კონსტიტუციური კანონის შესაბამისად, ერთ სხდომაზე ერთად უყრის კენჭს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)