მაიკ პომპეო კიმ ჩენ ინს შეხვდება

აშშ-ს სახელმწიფო მდივანი მაიკ პომპეო 5 ივლისს ვიზიტით ფხენიანში გაემგზავრება, სადაც ჩრდილოეთ კორეის ლიდერს კიმ ჩენ ინს შეხვდება. ამის შესახებ თეთრი სახლის პრესმდივანმა სარა სანდერსმა განაცხადა.

სარა სანდერსმა ასევე განაცხადა, რომ მხარეებს შორის მიმდინარეობს მნიშვნელოვანი მუშაობა კორეის ნახევარკუნძულის დენუკლეარიზაციის კუთხით.

„მოლაპარაკებები დენუკლეარიზაციასთან დაკავშირებით მიმდინარეობს. დეტალებზე არ ვისაუბრებ, თუმცა შემიძლია განვაცხადო, რომ პროგრესი არის“, - აღნიშნა მან.

ინფორმაცია მაიკ პომპეოს ჩრდილოეთ კორეაში გამგზავრების თაობაზე აშშ-ს სახელმწიფო დეპარტამენტშიც დაადასტურეს. სახელმწიფო დეპარტამენტის ოფიციალურმა წარმომადგენელმა ჰიზერ ნაუერტმა აღნიშნა, რომ ვიზიტი 5 ივლისიდან 7 ივლისამდე გაგრძელდება.

ვიზიტის ფარგლებში გაგრძელდება კონსულტაციები კორეის ნახევარკუნძულის დენუკლეარიზაციაზე, ასევე იმ პროგრესის განმტკიცება, რომელსაც მხარეებმა მიაღწიეს სინგაპურში გამართულ სამიტზე.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება