გიორგი ტყემალაძე - დღეიდან საკრებულო ოფიციალურად დაიწყებს გენგეგმის დეტალურ შესწავლა-გაანალიზებას

დღეიდან საკრებულო უკვე ოფიციალურად დაიწყებს გენგეგმის დეტალურ შესწავლას, გაანალიზებას, კომისიურ თუ სხვა ფორმატის საჯარო განხილვებს, - ამის შესახებ თბილისის საკრებულოს თავმჯდომარემ, გიორგი ტყემალაძემ დღეს გამართულ პრესკონფერენციაზე განაცხადა. მისი თქმით, დოკუმენტში აღმოფხვრილია ზონირების, რუკის და კერძო საკუთრებასთან დაკავშირებული ხარვეზები.

როგორც ტყემალაძემ აღნიშნა, თბილისის განვითარების სამ მთავარ კონცეფციას - მწვანე, კომპაქტური, შეკავშირებული ქალაქი, დაემატა მეოთხე - მედეგობის კომპონენტი.

"მერიამ და „სითი ინსტიტუტმა“ დაასრულა თბილისის გენერალურ გეგმაზე მუშაობა და საკრებულოში განსახილველად შემოვიდა შეჯერებული დოკუმენტი, რომელშიც მაქსიმალურად არის აღმოფხვრილი ყველა ის ხარვეზი, რომელზეც არაერთხელ გვისაუბრია. გენგეგმა ინარჩუნებს თავის მთავარ - მწვანე, კომპაქტური, შეკავშირებული ქალაქის - კონცეფციას, რომელსაც დაემატა მედეგობის კომპონენტი.

დოკუმენტში დაზუსტდა გენგეგმის განხორციელების გზები, ინსტრუმენტები, კვლევების და სტრატეგიული მომართულებების დაგეგმვის ეტაპები. მაქსიმალურად აღმოიფხვრა ზონირების, რუკის და კერძო საკუთრებებთან დაკავშირებული ხარვეზები", - განაცხადა ტყემალაძემ.

საკრებულოს თავმჯდომარემ იმედი გამოთქვა, რომ ოპოზიციური ფრაქციებიც აქტიურად ჩაერთვებიან გენგეგმის განხილვის პროცესში. მისივე ინფორმაციით, საკრებულოს კომისიები დოკუმენტის განხილვას რამდენიმე კვირაში დაიწყებენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს