ფოთის მოსახლეობა წყალარინების ახალი ინფრასტრუქტურით ისარგებლებს

ქვეყნის მასშტაბით წყალმომარაგებისა და წყალარინების (კანალიზაციის) ინფრასტრუქტურის მოწესრიგება გრძელდება. როგორც „ინტერპრესნიუსს“ რეგიონული განვითარებისა და ინფრასტრუქტურის სამინისტროს პრესსამსახურიდან აცნობეს, ფოთში თანამედროვე სტანდარტების წყალარინების ქსელის მოწყობის და გამწმენდი ნაგებობის მშენებლობა მიმდინარეობს. სამუშაოებისთვის აზიის განვითარების ბანკმა 133 მილიონ ლარზე მეტი გამოყო. პროექტების მიმდინარეობის ტემპი და სამუშაოების ხარისხი გაერთიანებული წყალმომარაგების კომპანიის მენეჯმენტმა, ADB-ის აღმასრულებელ დირექტორთან, ჰელმუტ ფიშერთან ერთად შეამოწმა.

როგორც რეგიონული განვითარებისა და ინფრასტრუქტურის სამინისტროს პრესსამსახურის მიერ გავრცელებულ ინფორმაციაშია აღნიშნული, დღემდე, ფოთის მოსახლეობის 60% კანალიზაციის სისტემით ვერ სარგებლობს, ამორტიზებულია გამწმენდი ნაგებობაც. მიმდინარე პროექტები ითვალისწინებს 145 კმ. ქსელის მოწყობასა და 28 ერთეული სატუმბი სადგურის მშენებლობას. გარდა ამისა, აშენდება თანამედროვე სტანდარტების შესაბამისი წყალარინების გამწმენდი ნაგებობა.

პროექტების დასრულების შედეგად, ქალაქს ექნება წყალარინების სრულიად ახალი ინფრასტრუქტურა, რომელიც ფოთში მცხოვრებ 50-ათასზე მეტ ადამიანსა და იქ ჩასულ ტურისტებს მოემსახურება.

აზიის განვითარების ბანკის მისიამ ქალაქის წყალმომარაგების არსებული ინფრასტრუქტურაც დაათვალიერა, რომლის მშენებლობა ბანკის მხარდაჭერით 2016 წლის გაზაფხულზე დასრულდა. დღეს ფოთის მოსახლეობა 20-24 საათიანი წყალმომარაგებით არის უზრუნველყოფილი.

წყალარინების გამწმენდი ნაგებობის პროექტები მიმდინარეობს: ფოთში, ურეკში, ანაკლიაში, ზუგდიდში, თელავსა და წყალტუბოში. პროექტების დასრულების შემდეგ შემცირდება გარემოზე მავნე ზემოქმედება, გაუმჯობესდება სანიტარული ნორმები და 160 000 ადამიანს გაუუმჯობესდება საცხოვრებელი პირობები. ქობულეთში გამწმენდი ნაგებობა უკვე ფუნქციონირებს, შედეგად, 25 000 ადამიანს გაუუმჯობესდა საცხოვრებელი პირობები. დაგეგმილია სამშენებლო სამუშაოები საქართველოს 20 ქალაქში, მათ შორის: ქუთაისში, მესტიასა და ჭიათურაში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა