საქართველოს წითელი ჯვრის საზოგადოების და კერძო უმაღლესი სასწავლებლის ასოციაციას შორის მემორანდუმი გაფორმდა

საქართველოს წითელი ჯვრის საზოგადოების და კერძო უმაღლესი სასწავლებლის ასოციაციას შორის ურთიერთანამშრომლობის მემორანდუმი გაფორმდა.

როგორც „ინტერპრესნიუსს“ საქართველოს წითელი ჯვრის საზოგადოებიდან აცნობეს, ურთიერთანამშრომლობის მემორანდუმს ხელი მოაწერეს საქართველოს წითელი ჯვრის საზოგადოების პრეზიდენტმა ნათია ლოლაძემ და კერძო უმაღლესი სასწავლებლების ასოციაციის პრეზიდენტმა კონსტანტინე თოფურიამ.

როგორც ორგანიზაციაში განმარტავენ, მემორანდუმის ფარგლბში მხარეები შეთანხმდნენ მჭიდროდ ითანამშრომლონ ერთობლივი საქმიანობის წარმატებით განსახორციელებლად, ასევე აქტიურად ჩაერთონ სტუდენტები საქართველოს წითელი ჯვრის საზოგადოების ტრენინგებსა და მიმდინარე საქმიანობებში.