კერძო საკუთრების გარკვეული ტერიტორიები სარეკრეაციო ზონაში ყვება და ამასთან დაკავშირებით დეტალური დამუშავების შემდგომ მოხდება გადაწყვეტილების მიღება, - ამის შესახებ საკრებულოს თავმჯდომარემ, გიორგი ტყემალაძემ მიწათსარგებლობის გენერალურ გეგმაზე საუბრისას ჟურნალისტებს განუცხადა. მისი თქმით, შესაძლებელია აღნიშნული კერძო საკუთრების ტერიტორიების გამოსყიდვა ან მონაცვლეობა მოხდეს.
"იქ სადაც შესაძლებელი იყო, რომ კერძო საკუთრებებთან დაკავშირებით დაზუსტებულიყო ზონირება, ეს ასეც მოხდა. თუმცა კერძო საკუთრების გარკვეული ტერიტორიები ყვება სარეკრეაციო ზონაში და ამასთან დაკავშირებით დეტალური დამუშავების შემდგომ მოხდება გადაწყვეტილების მიღება. ეს შეიძლება იყოს მონაცვლეობა, გამოსყიდვა, ზონის ცვლილება და ა.შ. ეს ის მიმართულებებია, რაც სამუშაო რეჟიმში კერძო მესაკუთრეებთან ერთად შემუშავდება,"- განაცხადა ტყემალაძემ.
მისივე ინფორმაციით, დღეიდან საკრებულო უკვე ოფიციალურად დაიწყებს გენგეგმის დეტალურ შესწავლა- გაანალიზებას.