საგანგებო სიტუაციების მართვის სამსახურის სამეგრელო-ზემო სვანეთის სამმართველოს უფროსის მოვალეობას გოჩა მურღულია შეასრულებს

საგანგებო სიტუაციების მართვის სამსახურის სამეგრელო-ზემო სვანეთის სამმართველოს დროებით გოჩა მურღულია უხელმძღვანელებს.

ის მოვალეობის შესრულებას გუშინ, მას შემდეგ შეუდგა, რაც სამსახურის უფროსმა, თამაზ უბულავამ და მოადგილემ, ელგუჯამ აკობიამ თანამდებობები დატოვეს.

როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ყოფილმა უფროსმა და მისმა მოადგილემ თანამდებობა პირადი განცხადების საფუძველზე დატოვეს.

მურღულია ამავე სამსახურის ფოთის სამმართველოს უფროსის მოადგილე იყო.