მერაბ კარანაძე - ავტოსატრანსპორტო საშუალებებით უზრუნველყოფა სოფლის ექიმების მობილობასა და სამედიცინო მომსახურების ხარისხზე დადებითად აისახება

აჭარის ავტონომიური რესპუბლიკის უმაღლესი საბჭოს თავმჯდომარის მოადგილე მერაბ კარანაძე პირველადი ჯანდაცვის ცენტრებისათვის ახალი ავტომანქანების გადაცემის ღონისძიებას დაესწრო.

როგორც „ინტერპრესნიუსს“ აჭარის უმაღლესი საბჭოს საზოგადოებასთან ურთიერთობის დეპარტამენტიდან აცნობეს, აჭარის ჯანმრთელობისა და სოციალური დაცვის მინისტრის მოვალეობის შემსრულებელმა ზაალ მიქელაძემ ქობულეთის, ხელვაჩაურისა და ხულოს მუნიციპალიტეტების პირველადი ჯანდაცვის ცენტრების წარმომადგენლებს, “სოფლად პირველადი ჯანდაცვის განვითარების ხელშეწყობის“ პროგრამის ფარგლებში, მაღალი გამავლობის 5 ავტომანქანა გადასცა.

მათივე ცნობით, აჭარაში სულ 56 პირველადი ჯანდაცვის ცენტრი ფუნქციონირებს, მათგან 43-ს ახალი, მაღალი გამავლობის ავტომანქანები 2014-2017 წლებში პროგრამის ფარგლებში გადაეცათ.

მერაბ კარანაძის განცხადებით, მსგავსი ტიპის ცენტრების ავტოპარკი წელს მთლიანად შეივსება და ავტოსატრანსპორტო საშუალებებით უზრუნველყოფა სოფლის ექიმების მობილობასა და სამედიცინო მომსახურების ხარისხზე დადებითად აისახება.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად