კახა კალაძე - ჩვენ მეტროს ვაგონების დამატებას ვაპირებთ

ჩვენ მეტროს ვაგონების დამატებას ვაპირებთ, - ამის შესახებ თბილისის მერმა კახა კალაძემ მეტროში მატარებლებს შორის ხანგრძლივ ინტერვალებთან დაკავშირებული კითხვის პასუხად განაცხადა.

მისივე თქმით, აღნიშნულ საკითხთან დაკავშირებით მიმდინარეობს მოლაპარაკება კომპანია "შტადლერთან".

რაც შეეხება ინტერვალის შემცირებას, ესეც ჩემი საარჩევნო დაპირება იყო - ზოგადად საზოგადოებრივი ტრანსპორტის მოწესრიგება, მათ შორის მეტროსი. ჩვენ ვაგონების დამატებას ვაპირებთ. მოლაპარაკებებს ვაწარმოებთ კომპანია "შტადლერთან", სადაც გაფორმებულია ურთიერთშეთანხმების მემორანდუმი. მემორანდუმის ფარგლებში, ჩვენ გვინდა მივაღწიოთ შეთანხმებას, რომ "შტადლერის" ვაგონების აწყობა-წარმოება მოხდეს საქართველოში და დავაკმაყოფილოთ არა ჩვენი მოთხოვნა, რაც დღეს მეტროში გვაქვს, არამედ მოვემსახუროთ მთლიანად რეგიონს. შესაბამისად, ეს პრობლემა ძალიან მალე იქნება მოგვარებული და გვინდა რომ მოცდის, მოლოდინის დროის შემცირება მოხდეს ახალი, ევროპული ტიპის ვაგონების დამატებით. პარალელურად, ასევე ჩვენ ვიწყებთ მთლიანად მეტროს ვაგონების რეაბილიტაციას, რომელმაც ამოწურა თავისი რესურსი, რათა ჩავუტაროთ მთლიანი რეკონსტრუქცია და მოსახლეობას მივცეთ შესაძლებლობა, რომ იმგზავრონ უფრო კომფორტულად. დაწყებულია ეს პროცესები", - განაცხადა კალაძემ.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა