კახა კალაძე - გენგეგმით 11 არეალია გამოყოფილი, უნდა დაიდოს დოკუმენტი თუ როგორ განვითარდეს ეს ტერიტორიები, რათა თავიდან ავიცილოთ ის, რაც სპორტის სასახლის უკან გვაქვს

გენგეგმის მიხედვით, 11 არეალია გამოყოფილი, უნდა დაიდოს დოკუმენტი თუ როგორ განვითარდეს ეს ტერიტორიები, რათა თავიდან ავიცილოთ ის, რაც სპორტის სასახლის უკან გვაქვს, - ამის შესახებ თბილისის მერმა კახა კალაძემ ქაოტურ განაშენიანებასთან დაკავშირებული კითხვის პასუხად განაცხადა. მისივე თქმით, კონკრეტული არეალების სწორად დაგეგმვა ხელს შეუწყობს ქალაქის სწორ განვითარებას.

„11 არელია გამოყოფილი. მაგალითად, ლისის ტბის ტერიტორიის მიმდებარე ფართებზე, ჩვენ იქ მშენებლობები შევზღუდეთ, დროებით შევაჩერეთ. ეს ტერიტორიაც მოხვდა გენერალური გეგმის ნაწილში, სადაც უნდა ჩატარდეს კვლევა და დაიდოს დოკუმენტი თუ როგორ უნდა მოხდეს ამ კონკრეტული ტერიტორიების განვითარება, რათა თავიდან ავიცილოთ ის, რაც მაგალითად, „სპორტის სასახლის“ უკან გვაქვს. სამწუხაროდ, კიდევ არის რამდენიმე ასეთი ადგილი, სადაც ქაოტური განაშენიანებაა. ზოგან კერძო, დაბალი სახლებია, იქვე გვერდით მაღალსართულიანი კორპუსებია. ეს სერიოზულ დისკომფორტს წარმოადგენს მოსახლეობისთვის და ძალიან ცუდია ქალაქის განაშენიანებისთვის. მოხდება სწორად დაგეგმვა, თუ როგორ უნდა განვითარდეს ეს კონკრეტული არეალები. მგონია, რომ ეს ქალაქის სწორ განვითარებას შეუწყობს ხელს“, - განაცხადა კალაძემ.

კ2 კოეფიციენტთან დაკავშირებული კითხვის პასუხად კახა კალაძემ განაცხადა, რომ კ2 კონფიციენტის შესყიდვა ჯერ კიდევ ყოფილი მერის დავით ნარმანიას დროს შეუზღუდა.

„კ2 კოეფიციენტის შესყიდვა უკვე შეზღუდულია. ჯერ კიდევ დავით ნარმანიას დროს მოხდა ამის შეზღუდვა. თუმცა, გენერალური გეგმის ფარგლებში მოცემულია შესაბამისი ზონები და ამ ზონების მიხედვით მოხდება ქალაქის განვითარება“, - განაცხადა კალაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს