ამ ეტაპზე, ჩვენმა პარლამენტმა უნდა მიიღოს მკაცრი საკანონმდებლო ჩარჩოები და უნდა მიიღოს გადაწყვეტილება - უნდა გამართული, მოდერნიზებული, კანონზე დაფუძნებული ევროპული სამართლო თუ უნდა პოსტსაბჭოთა, მესამე მსოფლიოს დონის სასამართლო, სადაც ბატონობს პირადი კავშირები, პირადი გავლენები და აღებ-მიცემობა, - ამის შესახებ "საერთაშორისო გამჭვირვალობა - საქართველოს" დღეს გამოქვეყნებულ კვლევასთან დაკავშირებით იუსტიციის უმაღლესი საბჭოს არამოსამართლე წევრმა ანა დოლიძემ განუცხადა. მისივე თქმით, კვლევა ძალიან არგუმენტირებულად ამბობს, რომ გაუკონტროლებელი და შეუზღუდავი ძალაუფლება წარმოშობს კორუფციის რისკებს.

"ეს ჩვენ ვიცით როგორც საქართველოს გამოცდილებიდან, ასევე პოლიტიკური მეცნიერებიდან. დიდი ხანია საბჭოს ზოგიერთი წევრი ვამბობთ, რომ საბჭოს წევრთა უმრავლესობას აქვს ხშირად გაუკონტროლებელი, თვითნებური ძალაუფლება დანიშნოს მოსამართლეები, მიიღოს თვითნებური გადაწყვეტილებები, დააკომპლექტოს შემადგენლობები. ის რასაც ამბობს „საერთაშორისო გამჭვირვალობა - საქართველო“, წარმოშობს საფრთხეს, რომ ეს გაუკონტროლებელი ძალაუფლებები იქნება გამოყენებული საბჭოს წევრების და სხვა გავლენიანი პირების პირადი სარგებლობისთვის. ამ ეტაპზე, ჩვენმა პარლამენტმა უნდა მიიღოს მკაცრი საკანონმდებლო ჩარჩოები და უნდა მიიღოს გადაწყვეტილება - უნდა გამართული, მოდერნიზებული, კანონზე დაფუძნებული ევროპული სამართლო თუ უნდა პოსტსაბჭოთა, მესამე მსოფლიოს დონის სასამართლო სადაც ბატონობს პირადი კავშირები, პირადი გავლენები და აღებ-მიცემობა",- განაცხადა დოლიძემ.