ევროკავშირში უვიზო მიმოსვლისთვის ელექტრონული ავტორიზაციის გავლა 7 ევრო ეღირება

ევროპარლამენტმა ევროკავშირთან უვიზო რეჟიმის მქონე ქვეყნების მოქალაქეებისათვის ელექტრონული ფასიანი ავტორიზაციის დაწესებას დაუჭირა მხარი. ამის შესახებ ინფორმაციას ევროპარლამენტის პრესსამსახური ავრცელებს.

ევროპის სამგზავრო ინფორმაციისა და ავტორიზაციის სისტემა (ETIAS) 2021 წლიდან ამოქმედდება.

ახალი რეგულაციის თანახმად, ელექტრონული ავტორიზაციის საფასური 7 ევროს შეადგენს. აღნიშნული ავტორიზაცია უფასო იქნება 18 წლამდე ასაკისა და 70 წელს გადაცილებული პირებისთვის. ელექტრონული ავტორიზაცია მოქმედი იქნება მიღებიდან 3 წლის განმავლობაში.

აპლიკანტმა ავტორიზაციის გავლისას პერსონალური ინფორმაციის გარდა უნდა მიუთითოს ინფორმაცია ბოლო ათი წლის განმავლობაში წარსულში ნასამართლეობის, ომის ან კონფლიქტის ზონაში ყოფნის და წარსულში მასთან მიმართებაში ადმინისტრატიული გადაწყვეტილებების შესახებ, რომლითაც მას ამა თუ იმ ქვეყნის დატოვება მოეთხოვებოდა.

შემდეგ ეტაპზე აღნიშნული რეგულაცია ევროკავშირის საბჭომ უნდა დაამტკიცოს.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა