საქართველოს განათლებისა და მეცნიერების მინისტრი, მიხეილ ჩხენკელი, ევროპის აკადემიამ (Academia Europaea) საპატიო წევრად აირჩია, - ამის შესახებ „ინტერპრესნიუსს“ განათლებისა და მეცნიერების სამინისტროდან აცნობეს. მათი ინფორმაციით, ევროპის აკადემიის რეგიონალური ჰაბი ახლო მომავალში საქართველოშიც გაიხსნება.

„დიდი ბრიტანეთის სამეფო საზოგადოებისა და ევროპის სხვა ეროვნული აკადემიების ინიციატივით, ევროპის აკადემია 1988 წელს შეიქმნა. იგი აერთიანებს გამოჩენილ მეცნიერებს მთელი მსოფლიოდან და ფარავს კვლევის ყველა მიმართულებას.

მნიშვნელოვანია, რომ ევროპის აკადემიის რეგიონალური ჰაბი ახლო მომავალში საქართველოშიც გაიხსნება, რაც კავკასიის რეგიონში უპრეცედენტო მოვლენა იქნება,” - ნათქვამია სამინისტროს ინფორმაციაში.