გორის მერმა ხურვალეთში გზის სარეაბილიტაციო სამუშაოები დაათვალიერა

გორის მერმა, კონსტანტინე თავზარაშვილმა ხურვალეთში გზის სარეაბილიტაციო სამუშაოები დაათვალიერა. როგორც „ინტერპრესნიუსს“ გორის მუნიციპალიტეტიდან აცნობეს, ამ ეტაპზე სანიაღვრე სისტემის მოწყობა ხორციელდება.

მათივე ცნობით, პროექტის საერთო ღირებულება 526 696 ლარს შეადგენს და სამუშაოებს შპს „იბოლია“ ახორციელებს. პროექტი გზის 1187 მეტრიანი მონაკვეთის კაპიტალურ შეკეთებას, ორფენიანი ასფალტის საფარის, ახალი სანიაღვრე სისტემისა და საგზაო ნიშნების მოწყობას ითვალისწინებს.

როგორც მუნიციპალიტეტის ინფორმაციაშია აღნიშნული, ადგილობრივების განცხადებით, აღნიშნულ გზას ნახევარ საუკუნეზე მეტია რეაბილიტაცია არ ჩატარებია.

კონსტანტინე თავზარაშვილი ხურვალეთის სასმელი წყლის ჭაბურღილის სარეაბილიტაციო სამუშაოების მიმდინარეობასაც გაეცნო.

„ჭაბურღილმა, რომელიც სასმელი წყლით 80-მდე ოჯახს უზრუნველყოფს, ტექნიკური პრობლემის გამო მოულოდნელად შეწყვიტა მუშაობა. ამ წუთებში, 15-მდე საუბნო ონკანის საშუალებით ადგილობრივებს სასმელი წყალი შეუფერხებლად მიეწოდებათ. გორის მუნიციპალიტეტის ა(ა)იპის „სასმელი წყლის სისტემების, წყალარინების, მელიორაციის, ჭაბურღილებისა და სატუმბო სადგურების სამსახურმა“ ხურვალეთის წყლის სატუმბ სადგურზე არსებული პრობლემის მოგვარება 24 საათში უზრუნველყო”, - ნათქვამია ინფორმაციაში.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა