ბახტაძის სტრუქტურული რეორგანიზაცია ისეთივე წარუმატებელი იქნება, როგორი წარუმატებელიც იყო კვირიკაშვილის სტრუქტურული რეორგანიზაცია, - ამის შესახებ „ევროპული საქართველოს“ წევრმა ზურაბ ჭიაბერაშვილმა ჟურნალისტებთან საუბრისას განაცხადა.

მისი თქმით, მთავრობამ კონკრეტული გეგმა უნდა წარმოადგინოს, როგორ ამცირებს ხარჯებს ბიუჯეტში.

„ბახტაძის სტრუქტურული რეორგანიზაცია ისეთივე წარუმატებელი იქნება, როგორი წარუმატებელიც იყო კვირიკაშვილის სტრუქტურული რეორგანიზაცია და ამით არაფერი დაიზოგება, თუ მთავრობა არ წარმოადგენს ძალიან კონკრეტულ გეგმას, როგორ ამცირებს ხარჯებს ბიუჯეტში, რომელიც ხმარდება “ქართული ოცნების“ ბიუროკრატიას და უყაირათო პროგრამებს. „ევროპული საქართველოში“ ვთვლით, რომ ბიუჯეტში არის რეზერვი საიმისოდ, რომ მთავრობამ მოიკლოს ხარჯები, რომელსაც თავად განკარგავს და ეს ეყოფა პენსიაზეც და გადასახადების დაწევაზეც“, - განაცხადა ზურაბ ჭიაბერაშვილმა.