ნატო-ს სამიტზე ჩვენ მხარს დავუჭერთ საქართველოსა და უკრაინის ნატო-ში გაწევრიანებისკენ მისწრაფებებს, - ამის შესახებ ნატო-ში აშშ-ს ელჩმა კეი ბეილი ჰათჩისონმა განაცხადა.
“სამიტის ფარგლებში ჩვენ განვიხილავთ ღია კარის პოლიტიკას, რომელიც ნატო-ს ჰქონდა ახალ წევრებთან და წამოვიწყებთ გაწევრიანების შესახებ მოლაპარაკებებს მაკედონიასთან. ასევე, ჩვენ მხარს დავუჭერთ საქართველოსა და უკრაინის ნატო-ში წევრობის მისწრაფებებს და სუვერენიტეტს”, - განაცხადა ნატო-ში აშშ-ს ელჩმა.
მისივე თქმით, ნატო-ს სამიტზე, რომელიც 11-12 ივლისს ბრიუსელში გაიმართება, ალიანსი კიდევ ერთხელ დაადასტურებს ღია კარის პოლიტიკის მხარდაჭერას.