დიღომში ავარიას ერთ მანქანაში მყოფი 3 პირი ემსხვერპლა, 2 კი დაშავებულია

დიღომში, მარშალ გელოვანის გამზირზე ავარიას 3 ადამიანი ემსხვერპლა, 2 კი დაშავებულია. როგორც „ინტერპრესნიუსის“ კორესპონდენტი ადგილიდან იუწყება, ერთმანეთს 2 მსუბუქი ავტომობილი და ერთი მიკროავტობუსი შეეჯახა.

სამივე გარდაცვლილი „მერსედესში“ მყოფი პირია. აღნიშნული ავტომანქანა აზერბაიჯანის სანომრე ნიშნებით მოძრაობდა.

როგორც შსს-ში აცხადებენ, გამოძიება 276-ე მუხლის მე-7 ნაწილით დაიწყო, რაც გულისხმობს სატრანსპორტო საშუალების ექსპლუატაციის ან უსაფრთხოების წესების დარღვევას, რამც 2 ან მეტი პირის გარდაცვალება გამოიწვია.