მცირე მთავრობის კონცეფციამ უნდა უზრუნველყოს მთავრობის საქმიანობის ეფექტურობა უფრო მეტად, ვიდრე ეს აქამდე იყო, - ამის შესახებ ჟურნალისტებს პარლამენტის პირველმა ვიცე-სპიკერმა თამარ ჩუგოშვილმა განუცხადა.
„მივიღეთ შემცირებული მინისტრთა კაბინეტი, რომელშიც განსხვავებულად არის გადანაწილებული ფუნქციები და შესაბამისად, მინისტრთა კაბინეტის ამ ფორმით შემცირებამ, რომელსაც ბუნებრივია, ქვედა რანგში ცვლილებები მოჰყვება, უნდა უზრუნველყოს მთავრობის საქმიანობის ეფექტურობა უფრო მეტად, ვიდრე ეს აქამდე იყო. მიზანი ცვლილების ეს არის. მცირე მთავრობის კონცეფცია საქართველოსნაირი ქვეყნისთვის არის სწორი. პარლამენტმა დაუჭირა მხარი, დანარჩენი გამოჩნდება სამუშაო პროცესში“, -აღნიშნა ჩუგოშვილმა.