თბილისს დღეს ბელგიის სამეფოს ვიცე-პრემიერი ეწვევა

საქართველოს ოფიციალური ვიზიტით ბელგიის სამეფოს ვიცე-პრემიერი, საგარეო და ევროპულ საქმეთა მინისტრი დიდიე რეინდერსი ეწვევა, - ამის შესახებ „ინტერპრესნიუსს“ საგარეო საქმეთა სამინისტროდან აცნობეს.

მათი ინფორმაციით, ბელგიის სამეფოს საგარეო უწყების ხელმძღვანელთან ორმხრივ შეხვედრას საქართველოს საგარეო საქმეთა მინისტრი, დავით ზალკალიანი გამართავს.

„შეხვედრაზე ყურადღება გამახვილდება ორ ქვეყანას შორის არსებულ მჭიდრო ურთიერთობასა და ბოლო პერიოდში თანამშრომლობის მზარდ დინამიკაზე. ასევე საუბარი შეეხება საქართველოს მიერ განხორციელებულ წარმატებულ რეფორმებს და ბელგიის მხრიდან საქართველოს ტერიტორიული მთლიანობის, ასევე ევროპული და ევრო-ატლანტიკური ინტეგრაციის ურყევ მხარდაჭერას,“ - ნათქვამია ინფორმაციაში.

შეხვედრის დასრულებისას გაიმართება მინისტრების ერთობლივი პრესკონფერენცია.

ვიზიტის ფარგლებში, დიდიე რეინდერსი შეხვედრას გამართავს საქართველოს პრემიერ მინისტრთან, მამუკა ბახტაძესთან. იგი ასევე ესტუმრება ევროკავშირის სადამკვირვებლო მისიას.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს