დღეს, კულტურისა და სპორტის მინისტრი მიხეილ გიორგაძე მოადგილეებთან ერთად ახმეტის მუნიციპალიტეტს ეწვევა. სამინისტროს პრესსამსახურის ინფორმაციით, მინისტრი დაათვალიერებს სპორტულ ინფრასტრუქტურას, სპორტულ კლუბებსა და საჯარო სკოლებს გადასცემს სპორტულ ინვენტარს, სპორტსმენებსა და ადგილობრივ მოსახლეობას შეხვდება.
დაგეგმილია შეხვედრები ახმეტაში, მატანში, საკობიანოში, დუისში, ქვემო ხალაწანსა და დუმასტურში.
მინისტრთან ერთად, ახმეტის მუნიციპალიტეტსა და პანკისის ხეობის სოფლებს ეწვევიან რაგბის კავშირისა და ფეხბურთის ფედერაციის წარმომადგენლები.