სოზარ სუბარი - სოფელ ჭუბერში სტიქიის შედეგად მიყენებული ზარალი უფრო და უფრო იზრდება

საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრის სოზარ სუბარის ინფორმაციით, სოფელ ჭუბერში სტიქიის შედეგად მიყენებული ზარალი უფრო და უფრო იზრდება. როგორც სუბარმა ჟურნალისტებს ადგილზე განუცხადა, მდინარე ადიდებულია, ასევე მთელი ღამის განმავლობაში წვიმა არ შეწყვეტილა.

„ზარალი უფრო და უფრო იზრდება. დაახლოებით ერთი საათის წინ მდინარემ ერთი საცხოვრებელი სახლი წაიღო. მთელი ღამის განმავლობაში და დილითაც, ვაკვირდებოდით ერთ პროცესს, რომ სადაც გავივლიდით, ერთი საათის შემდეგ იქ გავლა შეუძლებელი ხდებოდა, რადგან გზის მონაკვეთები მდინარეს მიაქვს. ტექნიკა შემოსულია სოფელში, თუმცა გზების არქონა ტექნიკის მუშაობას ხელს უშლის. ტექნიკა მუშაობს ალტერნატიული გზების გაკეთებაზე. ასევე იმაზე, რომ მდინარე სადაც იცვლის კალაპოტს, დავაბრუნოთ კალაპოტში, რათა სხვა სავარგულებს და საცხოვრებელ სახლებს არ შეუქმნას საფრთხე. ჩვენი ამოცანაა, რომ ჩავშალოთ მდინარის მიერ წამოღებული ჩახერგილი ხე-ტყე, რაც იწვევს მდინარის კალაპოტის ცვლილებას“, - განაცხადა სუბარმა.

სამეგრელო-ზემო სვანეთის რეგიონში, სოფელ ჭუბერში, მდინარე ნენსკრას ადიდების შედეგად მომხდარი სტიქიის სალიკვიდაციო სამუშაოებში პირველივე წუთებიდან ჩართულია ყველა შესაბამისი უწყება და სამსახური. შინაგან საქმეთა სამინისტროს სამეგრელო-ზემო სვანეთის პოლიციის სამმართველოსა და საგანგებო სიტუაციების მართვის სამსახურის თანამშრომლები ადგილზე აკონტროლებენ ვითარებას და დახმარებას უწევენ მოსახლეობას, რომელსაც საავტომობილო გზების დატბორვის გამო გადაადგილება უჭირს. მობილიზებულია სახანძრო-სამაშველო და საავტომობილო გზების დეპარტამენტის სპეციალისტების ჯგუფები.

მობილიზებულია დამატებითი სამაშველო ჯგუფები და ტექნიკა უახლოესი ლოკაციებიდან.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 30.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„დრიმლენდ ოაზისი ჩაქვის“ დამფუძნებლების გადაწყვეტილებით, სასტუმრო სრული მომსახურების პაკეტით უსასყიდლოდ გადაეცა სახელმწიფოს საკარანტინე მიზნებისთვის, სამშობლოში დაბრუნებული მოქალაქეების განსათავსებლად
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის