სინოპტიკოსების პროგნოზით, დღეს საღამოდან საქართველოში წვიმაა მოსალოდნელი

სინოპტიკოსები დასავლეთ საქართველოს მთიან და მაღალმთიან რაიონებში დღეს, საღამოდან კვლავ ნალექს ვარაუდობენ. როგორც „ინტერპრესნიუსს“ გარემოს ეროვნული სააგენტოს მოკლევადიანი პროგნოზების სამმართველოს უფროსმა დოდო გვაზავამ განუცხადა, კავკასიონის ქედის დასავლეთ ნაწილში, დღეს მთელი დღის განმავლობაში არამდგრადი ამინდი იქნება. მისივე ინფორმაციით, ძლიერი ნალექია მოსალოდნელი აფხაზეთში, რის გამოც გამორიცხული არ არის მდინარეებში წყლის დონემ მოიმატოს.

„კავკასიონის ქედის დასავლეთ ნაწილში, დღეს მთელი დღის განმავლობაში არამდგრადი ამინდია მოსალოდნელი. 16:00 საათის შემდეგ იწვიმებს, განსაკუთრებით სვანეთსა და რაჭა-ლეჩხუმის ტერიტორიაზე ნალექის რაოდენობა მოიმატებს. ამჟამად აფხაზეთში ძლიერი წვიმაა. მდინარეები, რომლებიც სათავეს აფხაზეთში იღებენ, შესაძლოა, ამ მდინარეებში წყლის ნაკადმა მოიმატოს. საღამოს საათებში მთელ კავკასიონის ქედზე მოსალოდნელია ნალექი“, - განაცხადა დოდო გვავამ.

რაც შეეხება აღმოსავლეთ საქართველოს, გარემოს ეროვნული სააგენტოს მოკლევადიანი პროგნოზების სამართველოს უფროსის ინფორმაციით, აღმოსავლეთ საქართველოს მაღალმთიანეთში მოსალოდნელია წვიმა.

„დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, ზოგან ელჭექით. დროგამოშვებით გაძლიერდება ქარი. ჰაერის მაქსიმალური ტემპერატურა დასავლეთ საქართველოში 22-27 გრადუსი, ხოლო აღმოსავლეთ საქართველოში მოსალოდნელია 34-35 გრადუსი.

თბილისში დღის ბოლოს შესაძლებელია მცირე წვიმა“, - განაცხადა დოდო გვაზავამ.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
„ვისოლში“, „სმარტში“, „ვენდისსა“ და „დანკინში“ Apple Pay-ის გამოყენებით VISA ბარათებით გადახდისას მომხმარებლებს საჩუქრები ელით
"რომპეტროლის" ნავთობგადამამუშავებელმა ქარხანამ „პეტრომიდიამ“ 40 წლის იუბილე აღნიშნა