გზების დეპარტამენტის ინფორმაციით, ჭუბერის ცენტრალური გზის გაწმენდითი სამუშაოები დასრულდა

ამ დროისათვის, ჭუბერის ცენტრალური გზა გაწმენდილია, - ამის შესახებ „ინტერპრესნიუსს“ საავტომობილი გზების დეპარტამენტიდან აცნობეს. მათივე ცნობით, მიმდინარეობს მდინარე ნენსკრას კალაპოტის გამაგრებითი სამუშაოები, რათა თავიდან იქნას აცილებული გზის ხელახალი დატბორვა.

“საავტომობილო გზების დეპარტამენტის ინფორმაციით, სოფელ ჭუბერში, სტიქიის ზონაში საავტომობილო გზების დეპარტამენტისა და მისი კონტრაქტორი კომპანიების წარმომადგენლები მთელი ღამის განმავლობაში ახორციელებდნენ სტიქიის სალიკვიდაციო და გაწმენდით სამუშაოებს.

ამ დროისათვის, ჭუბერის ცენტრალური გზა გაწმენდილია და ავტოტრანსპორტის მოძრაობისთვის განვლადია. მიმდინარეობს მდინარე ნენსკრას კალაპოტის გამაგრებითი სამუშაოები, რათა თავიდან ავიცილოთ გზის ხელახალი დატბორვა.

ასევე, აქტიურად მიმდინარეობს საპროექტო სამუშაოები დროებითი ხიდების განსათავსებლად. ადგილზე მობილიზებულია 10-მდე ერთეული მძიმე ტექნიკა და დეპარტამენტის სპეციალისტები სტიქიისა და ნაპირდაცვის მიმართულებით“, - ნათქვამია გზების დეპარტამენტის განცხადებაში.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა